Առցանց պոկերի ամբողջական ուղեցույց 2023

Պոկեր խաղին մարդիկ այսօր ծանոթ են շնորհիվ դրա ամենահայտնի տեսակի, որ կոչվում է Texas Hold 'em, սակայն խաղի պատմությունը շատ ավելի հին է։ Այն առաջին անգամ խաղացել են Եվրոպայի սրտում՝ Ֆրանսիայում, 1700-ական թվականներին։ Պատմությանը հայտնի են նաև խաղի չինական և պարսկական տարատեսակները։ Հնում խաղին անվանել են «պոկ» (Poque), սակայն ժամանակի ընթացքում անվանումը փոփոխվել է՝ դառնալով «պոկեր»։

Երկու նմանություն կա, որ կարելի է գտնել գրեթե բոլոր ազարտային խաղերի դեպքում։ Առաջինը՝ դրանք ստեղծվել են Եվրոպական միության երկրներում, և երկրորդ՝ դրանք բոլորը Միացյալ Նահանգներ են հասել եվրոպական տարածաշրջանից գաղթածների շնորհիվ։ Նույնը կարելի է ասել պոկերի դեպքում, որը Միացյալ Նահանգների ափեր հասավ ամերիկյան քաղաքացիական պատերազմի ժամանակ (1860-ական թթ․) շնորհիվ ֆրանսիացի ճանապարհորդների։ Խաղը միանգամից հանրաճանաչ դարձավ, և շատ արագ ի հայտ եկան դրա նոր տարբերակները՝ Draw և Stud պոկերները։

Այսօր հայտնի Texas Hold ‘em տեսակն ստեղծվել է 20-րդ դարի սկզբին Տեխաս նահանգի Ռոբսթաուն քաղաքում: Սակայն շուրջ հիսուն երկար տարիներ խաղը հետևորդներ չունեցավ։ Ի վերջո, Լաս Վեգասն էր այն վայրը, որտեղ խաղին նոր շունչ հաղորդվեց։ 60-ական թվականների վերջում Golden Nugget կոչվող խաղատունը ներկայացրեց Texas Hold ‘em խաղը, իսկ երկու տարի անց Dune խաղատունը կազմակերպեց Texas Hold ‘em-ի անդրանիկ մրցույթը։ Սա խաղին անհրաժեշտ մեկնարկային այն հարթակն էր, որ ճանաչում բերեց Texas Hold ‘em-ին, և այլևս երբեք հետդարձ չեղավ։

Խաղի տարածմանը զուգահեռ՝ Բինիոն եղբայրները որոշեցին ձեռք բերել այլևս աչքի չընկնող «Ազարտային խաղերի եղբայրություն» միջոցառումը (Gambling Fraternity Convention) և այն դարձնել մեգա իրադարձություն։ Այսօր ամբողջ աշխարհում այդ միջոցառումն ամենամեծն է պոկերի ոլորտում։ Երբ շուրջ 50 տարի առաջ որոշվեց, որ Texas Hold ‘em-ը պետք է լինի հիմնական իրադարձությունը, թերևս, ոչ ոք չէր պատկերացնում, որ այդ որոշումը պատմություն է կերտելու։

Այդ միջոցառումն անվանվեց «Պոկերի աշխարհի առաջնություն» (World Series of Poker) և հեռարձակվում էր ամբողջ երկրով։ Ի վերջո, երբ համացանցի շնորհիվ պոկերը տեղափոխվեց վիրտուալ հարթակ և հասավ իր միլիարդավոր երկրպագուներին, Texas Hold ‘em-ը դարձավ ամենահայտնի պոկեր խաղը և ընդունվեց ու ճանաչվեց ամբողջ աշխարհում։

Blinds - Երկու խաղացողները պետք է պարտադիր խաղադրույքներ կատարեն։ Պարտադիր խաղադրույքները կոչվում են «բլայնդս» (blinds): Այս կանոնը վերաբերում է այն խաղացողներին, ովքեր նստած են խաղարկողի (դիլերի) ձախ կողմում։ Օրինակ, «մեծ խաղադրույք» պետք է կատարի նա, ով նստած է խաղարկողից երկու տեղ դեպի ձախ։ «Փոքր խաղադրույք» կատարում է նա, ով նստած է խաղարկողի ձախ կողմում։

Bluff - Երբ խաղացողը խաղադրույք է կատարում թույլ խաղաձեռքի վրա, որի նպատակն այլ խաղացողներին խաբելն է` ստիպելով ավելի լավ խաղաձեռքեր ունեցողներին լքել խաղը։

Buy-in - Ժետոնների նվազագույն քանակը, որ անհրաժեշտ է խաղին միանալու համար։

Community Cards (Ընդհանուր խաղաքարտեր) - Texas Hold 'em-ում բոլոր խաղացողները կարող են օգտվել 5 ընդհանուր խաղաքարտերից, որոնք բաժանվում են երեսը բաց։

Flop - Առաջին փուլը, որտեղ ընդհանուր խաղաքարտերը (ընդամենը 3 հատ) բաժանվում են բաց վիճակում։

Flush - Նույն տեսակի 5 խաղաքարտեր։

Hole Cards - Փակ խաղաքարտեր, որ բաժանվում են բոլոր խաղացողներին։

Pair - Երկու խաղաքարտեր, որ կարող են զույգ կազմել, օրինակ՝ երկու Թագուհիներ կամ երկու 2-միավորանոց խաղաքարտեր։

Pot - Տվյալ խաղաձեռքի համար տրվող պոտենցիալ շահումը։

Rake - Այն մասնաբաժինը, որ խաղատունն ստանում է պոկերից։ Խաղատունն իր մասնաբաժինը վերցնում է յուրաքանչյուր պոտենցիալ շահումից՝ միջնորդավճարի տեսքով։

River - Ընդհանուր խաղաքարտերից վերջինը, որ բաժանվում է։

Round of Betting - Յուրաքանչյուր փուլի սկզբում խաղացողը որոշում է, թե ինչ քայլ կատարել՝ check (խաղադրույք չկատարել), raise (մեծացնել նախորդ խաղադրույքը), call (ամենաբարձր խաղադրույքին պատասխան խաղադրույք կատարել) կամ fold (խաղադրույք չկատարել և դուրս գալ խաղից)։

Royal Flush - Պոկերում լավագույն, սակայն հազվադեպ հանդիպող խաղաձեռքը։ Այն բաղկացած է ֆլաշից, որը կազմված է Տուզից և ավելի մեծ խաղաքարտերից՝ Վալետից, Ղառի 10-երից, Թագավորից կամ Թագուհուց։

Straight - Որևէ տեսակի 5 հաջորդական խաղաքարտեր, օրինակ՝ Տուզ, 1, 2, 3 և 4։

Trips - Երեք խաղաքարտերի համադրություն, օրինակ՝ երեք 4-եր կամ երեք վալետներ։

Turn - Ընդհանուր խաղաքարտ (community card), որ բաժանելիս չորրորդն է։

Խաղի մեկնարկը տրվում է, երբ խաղարկողը կամ խաղացողներից որևէ մեկը խառնում է 52 քարտերից բաղկացած խաղաքարտերի կապուկը։ Մեծ պարտադիր խաղադրույքը (big blind), որ սովորաբար ամենափոքրն է, պետք է կատարի խաղարկողից երկու տեղ դեպի ձախ նստած խաղացողը։

Փոքր պարտադիր խաղադրույքը (small blind), որը սովորաբար ամենափոքր խաղադրույքի կեսի չափ է, կատարում է խաղարկողի ձախ կողմում նստած խաղացողը։ Այնուհետև խաղարկողը բոլոր մասնակիցներին տալիս է երկուական խաղաքարտ՝ սկսելով իրենից ձախ նստած խաղացողից։

Խաղն սկսում է նրանից, ով նստած է մեծ պարտադիր խաղադրույք կատարած խաղացողի ձախ կողմում, և ընթանում է ժամացույցի սլաքի ուղղությամբ։ Խաղացողը քայլերի մի քանի տարբերակ ունի։ Նա կարող է բարձրացնել խաղադրույքը կամ առավելագույն խաղադրույքին պատասխան խաղադրույք կատարել։ Եթե խաղացողի խաղադրույքն առավելագույն խաղադրույքի չափ է, նա կարող է խաղադրույք չկատարել։ Վերջապես, եթե խաղաքարտերը լավը չեն, խաղացողը կարող է դադարեցնել խաղալը և դուրս գալ խաղից։

Այս պահին սկսում են բաժանել առաջին խաղաձեռքի խաղաքարտերը։ Խաղարկողը բաժանում է առաջին երեք ընդհանուր խաղաքարտերը։ Չորրորդ ընդհանուր խաղաքարտերը բաժանվում է հաջորդ փուլին, երբ ընդունվում են երկրորդ փուլի խաղադրույքները։ Վերջին փուլում բաժանվում է վերջին ընդհանուր խաղաքարտը, որ կոչվում է «river»։ Վերջնական խաղադրույքները կատարելով՝ խաղացողները բացում են իրենց խաղաքարտերը։

Եթե «river» խաղաքարտից հետո (ընդհանուր խաղաքարտերից ամենավերջինը) երկու խաղացող դեռ մնում են խաղում, խաղարկողը բացում է հինգ ընդհանուր խաղաքարտերը՝ որոշելու համար, թե ով է հաղթում։ Շահում է նա, ով ունի հինգ խաղաքարտերից կազմված լավագույն խաղաձեռքը։

Խաղաձեռքերի միավորային արժեքները ներկայացված են ստորև՝

Ռոյալ Ֆլաշ (Royal Flush) - Ուղիղ ֆլաշն է, որ ներառում է Տուզ և ավելի բարձր խաղաքարտեր։

Ուղիղ ֆլաշ (Straight Flush) - Խաղաձեռք, որն ունի նույն դասին պատկանող հինգ հաջորդական խաղաքարտեր։

Four of a Kind - Խաղաձեռք, որն ունի նույն դասին պատկանող չորս խաղաքարտ և մեկ կենտ խաղաքարտ։

Ֆուլ հաուզ (Full House) - Խաղաձեռք, որն ունի միանման երկու խաղաքարտ, և նույն դասին պատկանող երեք խաղաքարտ։

Ֆլաշ (Flush) - Խաղաձեռք՝ նույն դասին պատկանող հինգ խաղաքարտերով։

Ուղիղ (Straight) - Տարբեր դասերի պատկանող հինգ հաջորդական խաղաքարտեր։

Three of a kind - Խաղաձեռք, որտեղ կա երկու միանման խաղաքարտ և նույն դասին պատկանող երեք խաղաքարտ։

Երկու զույգ (Two pairs) - Այս խաղաձեռքն ունի մեկ կենտ խաղաքարտ և երկու զույգ խաղաքարտեր, որոնք նույն արժեքն ունեն։

Զույգ (Pair) - Խաղաձեռք, որտեղ երկու խաղաքարտեր նույն արժեքն ունեն։

High Card - Եթե ոչ մի մասնակցի չի հաջողվում ունենալ Զույգ կամ ավելի բարձր խաղաձեռք, ապա հաղթում է ամենամեծ խաղաքարտ ունեցող խաղացողը։ Հաշվարկն սկսում է Տուզից։

Այստեղ ի մի ենք բերել լավագույն խորհուրդներն ու ռազմավարությունները, որպեսզի նոր խաղացողներին օգնենք հմտանալ առցանց պոկեր խաղում։ Հետևեք այս կանոններին՝ ձեր խաղը բարելավելու համար․

Սովորեք, թե որոնք են ամենաուժեղ խաղաձեռքերը տվյալ խաղի համար

Երբ գիտեք՝ ինչպիսին է ձեր խաղաձեռքը (թո՞ւյլ է, թե՞ ուժեղ), ապա կարող եք որոշել՝ ինչ քայլեր անել խաղի ընթացքում։ Երբեմն խաղը դադարեցնելն ու հաջորդ խաղին անցնելը լավագույն տարբերակն է։

Իմացեք յուրաքանչյուր հաղթող խաղաձեռքի համար տրվող շահումները

Մի՛ փորձեք մշտապես լավագույն խաղաձեռքը կազմել. փոքր խաղաձեռքերով կանոնավոր կերպով հաղթելը երկարաժամկետ կտրվածքով կարող է ավելի շահավետ լինել, քան ինքնամոռաց խաղալը՝ հուսալով, որ կունենաք խոշոր շահում։

Տարբեր ռազմավարություններ սովորեք

Եթե խաղատնային պոկեր խաղում նորեկ եք, սովորեք խաղադրույքների տեսակները և խաղալու հետ կապված տարբեր ռազմավարություններ։ Սա ձեզ կօգնի ճանաչել կարևոր խաղաձեռքերը և հաշվել այլ խաղաձեռքեր կազմելու հնարավորությունը։ Այս ամենը շահումներ չի երաշխավորում, սակայն գերազանց միջոց է՝ պոկեր խաղաձեռքերը սովորելու համար։

Սովորեք՝ երբ բարձրացնել խաղադրույքը

Caribbean Stud Poker-ում պրոֆեսիոնալ խաղացողները խորհուրդ են տալիս բարձրացնել խաղադրույքը, եթե ունեք «Զույգ» կամ ավելի բարձր խաղաձեռք։ Իսկ եթե ձեզ թույլ խաղաձեռք է բաժին հասել, ճիշտ կլինի դուրս գալ խաղից։

Իմացեք, թե երբ և ինչպես են շահումները փոփոխվում

Cyber Stud Poker-ում հաղթող խաղաձեռք ունենալը դեռ շահումներ չի երաշխավորում։ Եթե խաղարկողը չունի Տուզ կամ Թագավոր, նշանակում է՝ նրա խաղաձեռքը պայմաններին չի համապատասխանում, և սա փոքրացնում է ձեր շահումների չափը։

Մեկ խաղաձեռքով հաղթելը բավարար չէ

Pai Gow-ն խաղատնային պոկեր խաղ է, որը պահանջում է ձեր ունեցած խաղաքարտերով երկու խաղաձեռք կազմել, ընդ որում՝ ձեր երկու խաղաձեռքերն էլ պետք է հաղթեն խաղարկողի խաղաձեռքերին։

Եթե նորեկ եք, խուսափեք HORSE խաղալուց

HORSE կոչվող պոկեր խաղը ոչ թե մեկ խաղ է, այլ հինգ խաղերի շարք է, որոնք խաղում են ֆիքսված հաջորդականությամբ։ HORSE-ում հաջողությամբ խաղալու համար պետք է սովորեք հետևյալ խաղերի կանոնները՝ Fixed Limit Hold 'em, Fixed Limit Omaha Hi/Lo, Razz (Seven Card Stud Low), Seven Card Stud (High Only) և Seven Card Stud Hi/Lo։