Բացահայտե՛ք, թե ինչպես բլեքջեքի ռազմավարություն ունենալը կարող է մեծացնել շահելու ձեր հնարավորությունը

Բլեքջեքն ամենասիրված խաղատնային խաղերից է ամբողջ աշխարհում։ Այսօր, երբ արդեն բլեքջեքը հասանելի է առցանց տարբերակով, այլևս ստիպված չեք խաղատուն հասնել, որպեսզի խաղաք այս խաղը։

Շատերը կարծում են, թե բլեքջեքը մեծամասամբ բախտի խաղ է, մինչդեռ այս խաղը բավական հմտություններ է պահանջում։ Ճի՛շտ է, միայն հմտությունը չի երաշխավորում, որ կհաղթեք բոլոր խաղերում, սակայն եթե ճիշտ ռազմավարություն կիրառեք, կարող եք մեծացնել շահելու հավանականությունը և նվազագույնի հասցնել կորուստները։

Կարդացե՛ք այս հոդվածը և կբացահայտեք այն ամենը, ինչ պետք է իմանալ բլեքջեքի ռազմավարության մասին։ Նաև կպարզեք, թե ինչպես այն կարող է օգնել ձեզ՝ մեծացնելու շահելու հավանականությունը։

Ինչպես խաղալ բլեքջեք

Բլեքջեքը բավական պարզ խաղ է, որը խաղում են խաղարկողի՝ դիլերի հետ։ Նպատակն է՝ խաղաքարտերով հավաքել 21 թիվը կամ 21-ին հնարավորինս մոտ թիվ։ Երբ ձեր խաղաքարտերի ընդհանուր արժեքը 21-ից անցնում է, դուք տանուլ եք տալիս, և խաղարկողը հաղթում է։ Եթե խաղարկողն է անցնում 21 թիվը, հաղթում եք դուք։

Խաղաքարտերը, որոնք պատկերներով են, գնահատվում են 10 միավոր, իսկ տուզերն ունեն 1 կամ 11 միավորի արժեք։ Ընդ որում, տուզի արժեքը դուք եք որոշում՝ կախված ձեր ունեցած խաղաքարտերից։

Ահա բլեքջեքի հիմնական քայլերը․

Քայլ 1. Խաղադրույք եք կատարում նախքան խաղաքարտերը բաժանելը։

Քայլ 2. Խաղարկողը (դիլերը) բաժանում է մեկ խաղաքարտ՝ երեսը վեր շրջված, այնպես որ բոլորը, այդ թվում՝ խաղարկողը տեսնեն այն։

Քայլ 3. Երկրորդ խաղաքարտը բաժանվում է երեսը բաց, այնպես որ այն տեսնեն բոլորը, բացի խաղարկողից, ով խաղաքարտն ստանում է երեսը շրջված։

Քայլ 4. Սա առանցքային քայլն է։ Երկրորդ խաղաքարտը բաժանելուց հետո դուք կարող եք որոշել՝ արդյոք հարվածել (hit), այսինքն՝ մեկ այլ խաղաքարտ վերցնել, թե՞ կանգնել (stand), այսինքն՝ խաղը շարունակել այն երկու խաղաքարտով, որ ունեք։ Մեկ այլ տարբերակ է ձեր ունեցած զույգը կիսելը (split), բայց այս քայլին կարող եք դիմել միայն այն դեպքում, եթե ձեզ բաժին ընկած երկու խաղաքարտերը նույնն են։ Այս փուլում կարող եք նաև կրկնապատկել ձեր խաղադրույքը։

Քայլ 5. Երբ բոլոր խաղացողներն արել են իրենց քայլը, խաղարկողը բացում է շրջված խաղաքարտը։ Այնուհետև խաղարկողը պետք է հետևի խաղարկողների համար նախատեսված հատուկ կանոններին։ Եթե խաղաքարտերի ընդհանուր արժեքը 17 և ավել է, խաղարկողը պետք է կանգնի։ Եթե ընդհանուր արժեքը 16 է կամ դրանից պակաս, խաղարկողը պետք է խաղաքարտ վերցնի։ Նա շարունակում է խաղաքարտեր վերցնել, մինչև հասնի 17 և ավելի բարձր միավորի կամ տանուլ տա՝ անցնելով 21 թիվը (սա բլեքջեքում կոչվում է «bust»)։

Քայլ 6. Հաղթողներն ստանում են իրենց շահումները։

Բլեքջեք խաղաձեռքեր

Եթե ձեր երկու խաղաքարտերից մեկը տուզ է, իսկ մյուսը 10 միավորանոց խաղաքարտ կամ պատկերային քարտ, սա կոչվում է «բնական բլեջքեջ», և դուք չպետք է ավելի խաղաքարտեր ուզեք։ Եթե դուք բնական բլեքջեք ունեք, իսկ խաղարկողը՝ ոչ, դուք շահում եք ձեր կատարած խաղադրույքի մեկուկես անգամը։ Եթե խաղարկողն ունի բնական բլեքջեք, նա հաղթում է բոլոր այն խաղացողների խաղադրույքները, ովքեր չունեն բնական բլեքջեք։ Եթե և՛ դուք, և՛ խաղարկողն ունեք բնական բլեքջեք, սա կոչվում է «հանգույց» (tie), և դուք ձեր խաղադրույքը ետ եք ստանում։

Երբ ձեր առաջին երկու խաղաքարտերից մեկը տուզ է, իսկ մյուսը՝ խաղաքարտ, որը չունի 10 միավորի արժեք, սա կոչվում է «փափուկ ձեռք»։ Տուզը կարող եք հաշվել 1 կամ 11 միավոր․ դուք եք որոշում դրա արժեքը՝ կախված ձեր ունեցած մյուս խաղաքարտից։ Օրինակ, եթե դուք տուզ ունեք և հինգ միավորանոց խաղաքարտ, ձեր ունեցածի ընդհանուր արժեքը կարող է կազմել կամ 6, կամ 16: Եթե ցանկանում եք հասնել 21-ի (չնայած սա անպայմանորեն խորհուրդ չի տրվում)՝ տուզը հաշվելով 11 միավոր, կարող եք հարվածել։ Եթե արդյունքում անցաք 21 թիվը, պարզապես կարող եք տուզի արժեքը փոխել մեկի։

Բլեքջեքի հիմնական ռազմավարությունը

Հիշե՛ք՝ բլեքջեքը կիսով չափ բախտի, կիսով չափ հմտության խաղ է։ Եթե լիարժեք չեք կիրառում ձեր հմտությունները, ուրեմն շահելու ձեր հնարավորությունն առավելագույնի չեք հասցնում։ Թեև ասվածը կարող է ծեծված ու ձանձրալի թվալ, բայց բլեքջեքի հիմնական ռազմավարությունը հետևյալն է՝ ձեզ բաժին հասած խաղաձեռքից փորձե՛ք ստանալ առավելագույնը։

Ահա մի քանի ուղենիշ բլեքջեքի ռազմավարության համար․

• Եթե խաղարկողի երևացող խաղաքարտն ունի 7 և ավելի բարձր արժեք, դուք պետք է հարվածեք, մինչև ունենաք առնվազն 17 միավոր։
• Եթե ձեր առաջին երկու խաղաքարտերի ընդհանուր արժեքը 16 միավոր է, իսկ խաղարկողն ունի 10 միավորանոց խաղաքարտ, վիճակագրորեն հավանական չէ, որ դուք կհաղթեք։ Սակայն անհնար ոչինչ չկա, ուստի պետք է հարվածել և հուսալ, որ չեք անցնի 21-ը և տանուլ չեք տա։ Եթե ձեր նախնական ընդհանուր թիվը 18 է կամ 19, լավագույն լուծումը կանգնելն է։
• Եթե խաղարկողի բացված խաղաքարտը 4, 5 կամ 6 է, դուք պետք է դադարեք հարվածելը հենց որ ունենաք 12 և ավել միավոր։ Իմաստն այն է, որ ինքներդ ձեզ հնարավորություն տաք՝ հաղթելու խաղարկողին առանց տանուլ տալու (այսինքն՝ 21 թիվն անցնելու)։ Հույսն այս դեպքում այն է, որ խաղարկողի բացված խաղաքարտը փոքր է, և նա ստիպված կլինի հարվածել մի քանի անգամ և, ի վերջո, տանուլ կտա՝ անցնելով 21 թիվը։
• Եթե ձեզ փափուկ ձեռք է բաժին հասել` տուզ և մեկ այլ քարտ, որի արժեքը 10 չէ, շարունակե՛ք հարվածել, մինչև կունենաք 18 և ավել միավոր։ Օրինակ, եթե ունեք տուզ և վեցանոց, ինչը գումարային լինում է 7 կամ 17, դուք պետք է հարվածեք՝ հուսալով հասնել 21-ի կամ որքան հնարավոր է 21-ին մոտ թվի։ Եթե խաղաքարտ եք ստանում, որը ձեր ընդհանուր միավորները հասցնում է 21-ից բարձր թվի, կարող եք տուզի արժեքը փոխել՝ այն գնահատելով մեկ միավոր:
• Խաղադրույքը կրկնապատկելու համար (double down), հետևե՛ք հետևյալ ռազմավարությանը․ եթե ունեք ընդհանուր 11 միավոր, կրկնապատկե՛ք խաղադրույքը։ Եթե ունեք ընդհանուր 10 միավոր, իսկ խաղարկողի մոտ չի երևում տասը թիվ կամ տուզ, պետք է կրկնապատկեք։ Եթե ունեք ընդհանուր 9, կարող եք կրկնապատկել, եթե խաղարկողի բաց խաղաքրատը փոքր է (այսինքն՝ 6 կամ ավելի ցածր է)։
• Կիսելու կանոնը ենթադրում է, որ դուք միշտ պետք է կիսեք ութերի կամ տուզերի զույգը, սակայն չպետք է կիսել նույն պատկերային քարտերը, չորսերը և հինգերը։ Կարող եք կիսել վեցերը, եթե խաղարկողի մոտ փոքր թիվ է։ Մյուս զույգերը կարող եք կիսել, եթե խաղարկողի մոտ չի երևում 8, 9, 10 միավորանոց խաղաքարտ կամ տուզ։
• Եթե խաղարկողի բաց խաղաքարտը տուզ է, դուք ունեք հնարավորություն՝ խաղադրույք կատարելու, որ կոչվում է «ապահովագրություն»։ Ապահովագրության առավելագույն չափը ձեր խաղադրույքի կեսի չափն է։ Շահելու հավանականությունը 2-ը 1-ի է, ուստի եթե նույնիսկ խաղարկողը հաղթում է, դուք կարող եք ավարտել՝ առանց գումար կորցնելու։ Մենք խորհուրդ չենք տալիս ապահովագրությունից օգտվել, եթե չեք հետևել խաղաքարտերին և չգիտեք՝ արդյոք խաղաքարտերի կապուկում մնացել են տասանոցներ։
• Հանձնվելը ձեզ թույլ է տալիս ավարտել խաղն առաջին երկու խաղաքարտերն ստանալուց հետո։ Եթե 16 ունեք, իսկ խաղարկողն ունի 9, 10 կամ տուզ, հանձնվելը ճիշտ քայլ է։ Նույնը կարելի է ասել այն դեպքում, երբ ունեք ընդհանուր 15 միավոր, իսկ խաղարկողն ունի 10: Շուտ հանձնվելը, նախքան խաղարկողը կստուգի բլեքջեքի առկայությունը, ձեզ թույլ է տալիս ավարտել խաղը և հետ ստանալ ձեր խաղադրույքի կեսը։ Կարող եք նաև հանձնվել, երբ խաղարկողը բացում է իր փակ խաղաքարտը։ Այս դեպքում դուք ստանում եք ձեր խաղադրույքի կեսը, միայն եթե խաղարկողի մոտ 21 չէ։

Չնայած բլեքջեքի այս կանոնները կարող են դժվար թվալ, դրանք, իրականում, շատ պարզ են․ դուք պարզապես պետք է մտապահեք դրանք։ Եթե առցանց եք խաղում, կարող եք պահել այս հոդվածը ձեր վեբ դիտարկիչի (browser) մեկ այլ պատուհանում և օգտվել դրանից, երբ կարիքն ունենաք։ Որքան շատ խաղաք, այնքան ավելի լավ կմտապահեք հիմնական ռազմավարությունը։ Ինչպես կյանքում, այնպես էլ ազարտային խաղերում, գործնական պարապմունքը կատարելագործում է մեր հմտությունները։

Բլեքջեք խաղալիս խաղատանը տրվող առավելությունը

Եթե համեմատենք այլ խաղերի հետ, բլեքջեքի դեպքում խաղատանը տրվող առավելությունն ամենացածրն է։ Երբ օպտիմալ խաղադրույքային ռազմավարությամբ եք խաղում, խաղատան առավելությունը կարող է լինել ընդամենը .5%: Սակայն եթե դուք չեք հետևում հիմնական ռազմավարությանը, խաղատան առավելությունը կարող է բարձրանալ մինչև 2%-4%: Հիշե՛ք նաև, որ որքան երկար եք խաղում, այնքան մեծանում է հավանականությունը, որ խաղատունն առավելություն կունենա։ Եվ սա վերաբերում է ցանկացած խաղատնային խաղի։ Ուրեմն, եթե կարճ ժամանակ անց մեծ գումար եք շահել, խորհուրդ ենք տալիս ավարտել խաղը, որպեսզի կարողանաք պահպանել ձեր շահումը։

ՀԱՃԱԽ ՏՐՎՈՂ ՀԱՐՑԵՐ

Բլեքջեքը բախտի՞, թե՞ հմտության խաղ է։

Բլեքջեքը թե՛ բախտի, թե՛ հմտության խաղ է։ Մենք չենք կարող իմանալ՝ ինչ խաղաքարտ է բաժին ընկնելու մեզ, սակայն կարող ենք որոշել՝ ինչպես ենք խաղում մեզ բաժին հասած խաղաձեռքով։

Կարո՞ղ է բլեքջեքի հիմնական ռազմավարությունն ինձ օգնել՝ շահելու բոլոր խաղաձեռքերը։

Ո՛չ։ Որևէ ռազմավարության հետևելը չի կարող օգնել, որպեսզի շահեք բոլոր խաղաձեռքերը, քանի որ այս խաղում բախտի գործոնը մեծ է։ Սակայն ռազմավարությանը հետևելը կմեծացնի շահելու հավանականությունը՝ թույլ տալով, որ ճիշտ քայլեր կատարեք յուրաքանչյուր խաղաձեռքի համար։

Ո՞ւմ դեմ եմ խաղում բլեքջեքում։

Թե՛ առցանց, թե՛ ֆիզիկական խաղատանը, բլեքջեք խաղում եք ոչ թե այլ խաղացողների, այլ խաղարկողի՝ դիլերի հետ։

Ինչպե՞ս իմանալ՝ իմ տուզը 1 միավորանո՞ց է, թե՞ 11:

Դուք եք որոշում՝ ինչ արժեք ունի ձեր տուզը, և այն կարող է փոփոխվել յուրաքանչյուր խաղաձեռքի հետ կամ նույնիսկ մեկ խաղաձեռքի խաղարկման ընթացքում։

Կարո՞ղ եմ առցանց բլեքջեք խաղալ անվճար։

Այո՛, առցանց կարող եք անվճար բլեքջեք խաղեր գտնել, ինչը լավ տարբերակ է՝ խաղը գործնականում փորձելու համար, նախքան իրական գումար կներդնեք խաղի մեջ։